…. अखेर विंडोज -१० ला फेसबुक अॅप मिळाले

अनिल भापकर 

औरंगाबाद, दि. २० - टेक्नो जगतातील दोन दादा कंपन्या एक म्हणजे मायक्रोसॉफ्ट आणि दुसरी म्हणजे फेसबुक. मायक्रोसॉफ्ट ही ऑपरेटिंग सिस्टम मधील दादा कंपनी तर फेसबुक ही सोशल मेडिया मधील दादा कंपनी. मात्र असे असूनही मायक्रोसॉफ्टच्या विंडोज -१० ह्या ऑपरेटिंग सिस्टमला अजून पर्यंत फेसबुक अॅप ऑफिशियली उपलब्ध झालेले नव्हते. मात्र आता विंडोज -१० मोबाइल आणि पीसी धारकांसाठी गुड न्यूज आहे, फेसबुक ने विंडोज -१० साठी ऑफिशियल फेसबुक अॅप उपलब्ध केले आहे.

आतापर्यंत विंडोज -१० युझर्स साठी जे फेसबुक अॅप उपलब्ध होते ते मायक्रोसॉफ्टने डेव्हलप केलेले होते . मात्र आता फेसबुक ने जगभरातील विंडोज -१० युझर्स वर लक्ष केंद्रित करत त्यांच्या साठी फेसबुक अॅप उपलब्ध केले आहे. सध्या हे फेसबुक अॅप चे बीटा व्हर्जन मध्ये उपलब्ध असले तरी लवकरच ते सर्वांसाठी उपलब्ध होईल असे विंडोज सेन्ट्रल डॉट कॉम या साईट ने म्हटले आहे. 
anil.bhapkar@lokmat.com

 

ट्विटर : पासवर्ड रिसेट करा

अनिल भापकर

औरंगाबाद, दि. १० - जवळपास तीन कोटी ट्विटर अकाऊन्टचे पासवर्ड हॅक झाल्याची मोठी खळबळजनक घटना काल घडली होती. ३,२८,८८,३०० ट्विटर लॉगिन पासवर्ड हॅक झाल्याचा दावा' लिकडसोर्स  या वेब साईटने काल केला होता. यामध्ये हॅकरकडे पासवर्ड हे प्लेन टेक्स्ट मध्ये विक्रीसाठी उपलब्ध असल्याचे म्हटले होते. मात्र दुसरीकडे ट्विटर ने असा दावा केला होता  कि आमच्या सिस्टम मधून कुठलेही लॉगिन पासवर्ड हॅक झालेली नाही. आज मात्र ट्विटर ने त्यांच्या ऑफिशिअल ब्लॉग वर जाहीर केले कि ज्या युझर्स चे ट्विटर अकाउंट हॅक झाले असण्याची शक्यता आहे, अशा सर्व युझर्सचे ट्विटर अकाउंट लॉक करण्याचा निर्णय ट्विटरने घेतला आहे.

ज्या ट्विटर युझर्स चे अकाउंट लॉक करण्यात आले आहे अशा सर्व युझर्सला ट्विटरने नोटिफ़िकेशन्स पाठवून त्यांचे पासवर्ड रिसेट करण्यास सांगितले आहे. जोपर्यंत पासवर्ड रिसेट होत नाही तोपर्यंत ट्विटर युझर्स चे अकाउंट लॉक राहील असे ट्विटर ने आपल्या ब्लॉग वर सांगितले आहे. सोबतच ट्विटर ने आपल्या युझर्स ला आपल्या ट्विटर अकाउंटच्या सुरक्षेसाठी काही टिप्स देखील या ब्लॉग वर दिल्या आहेत त्या खालील प्रमाणे आहेत :

 

ट्विटरने दिलेल्या सिक्युरिटी टिप्स :

१. लॉगीन व्हेरीफिकेशंस इनबल करा .

२. पासवर्ड शक्यतो जेवढा अवघड ठेवता येईल तेवढे चांगले,तसेच ट्विटर अकाउंटला दिलेला पासवर्ड दुसऱ्या वेबसाईट ला वापरू नका.

३. शक्यतो अगोदर दिलेला पासवर्ड पुन्हा रिपिट करू नये.

४. १पासवर्ड आणि लास्टपास यासारखे पासवर्ड मनेजर वापरण्याचा सल्ला देखील ट्विटर ने आपल्या युझर्स ला दिला आहे. ज्यामुळे ट्विटर युझर्स ला अवघड आणि युनिक पासवर्ड ठेवण्यास या पासवर्ड मनेजर ची मदत होईल 

anil.bhapkar@lokmat.com.

 

३२ मिलियन ट्विटर पासवर्ड हॅक ?

अनिल भापकर

औरंगाबाद, दि. ९ -  मार्क झुकरबर्ग यांचे ट्विटर अकाऊन्ट हॅक होऊन अवघे काही दिवसच उलटत नाही तर एक मोठी धक्कादायक बातमी आली आहे. जवळपास ३२ मिलियन (३,२८,८८,३००) ट्विटर पासवर्ड हॅक झाल्याची ही बातमी आहे. मॉलवेअर च्या मदतीने हे पासवर्ड हॅक झाले असण्याची शक्यता वर्तवण्यात येत आहे. जवळपास ३,२८,८८,३०० ट्विटर लॉगीन पासवर्ड हॅक झाल्याचा दावा' लिकडसोर्स या वेब साईट ने केला आहे. हॅकर कडे हे पासवर्ड प्लेन टेक्स्ट मध्ये विक्रीसाठी उपलब्ध असल्याचे म्हटले आहे. तर दुसरीकडे ट्विटर ने असा दावा केला आहे कि आमच्या सिस्टम मधून कुठलेही लॉगीन पासवर्ड हॅक झालेली नाही .
काय काळजी घ्यावी ?
१. तुमच्या' सोशल मेडिया अकाऊन्ट वर अनोळखी माणसाचा मेसेज शक्यतो ओपन करू नका . जर मेसेज फारच महत्वाचा असेल तर शक्य झाल्यास ज्याचा मेसेज आहे त्याला इतर मार्गाने संपर्क करून कन्फर्म करा जसे कि इमेल करून वगैरे .
२.एखाद्याला ट्विटर वर फॉलो करताना किंवा फेसबुक वर मैत्रीचा स्विकार करताना अकाऊन्ट फेक तर नाही ना याची खात्री करा.
३. फ्री ऑफर असणारी लिंक असल्यास त्यावर शक्यतो क्लिक करू नका .
४. सगळ्यात महत्वाचे म्हणजे तुमचा पासवर्ड नियमीत बदलत राहावे आणि शक्यतो अगोदर दिलेला पासवर्ड पुन्हा रिपिट करू नये. तसेच तुमचे नाव किंवा तुमच्या परिजनाचे नाव पासवर्ड मध्ये वापरू नये ज्यामुळे हॅकरला पासवर्ड चा अंदाज लावायला सोपे होईल . पासवर्ड शक्यतो जेवढा अवघड ठेवता येईल तेवढे चांगले .
५. तुमच्या सोशल मेडिया वर जर काही अनपेक्षित घडत असेल याचाच अर्थ तुमचे अकाऊन्ट हॅक झाले तेव्हा लगेच तुमचा पासवर्ड बदला .
६. सोशल मेडिया वर वावरताना प्रत्येक सोशल साईट चा पासवर्ड वेगवेगळा ठेवा जसे कि ट्विटर चा पासवर्ड वेगळा फेसबुक चा पासवर्ड वेगळा असे.
anil.bhapkar@lokmat.com

 

झुकरबर्गचे ट्विटर अकाऊन्ट हॅक झाले तुमचं काय ?

अनिल भापकर

औरंगाबाद, दि. ७ - सध्या जगभरातील चर्चेचा विषय म्हणजे जर फेसबुक चा संस्थापक मार्क झुकरबर्ग चे ट्विटर अकाऊन्ट हॅक होऊ शकते तर आपले काय ? सोशल मेडिया मधील येवढा मोठा बाप माणूस ज्याने सोशल मेडिया कशाला म्हणतात हे अख्या जगाला शिकवले त्यावर ही वेळ यावी . म्हणजे सोशल मेडिया च्या सुरक्षे साठी काय करायला पाहिजे हे सगळ्या जगाला सांगणाऱ्या वर त्याचे ट्विटर अकाऊन्ट हॅक झाले हे सांगण्याची वेळ यावी. असो आपण मात्र आपले सोशल मिडिया अकाऊन्ट कसे सुरक्षित करता येईल हे बघण्याचा पुसटसा प्रयत्न करु.
सोशल मेडिया अकाऊन्ट जसे कि फेसबुक , ट्विटर , लिंकडन आदी अकाऊन्टच्या सुरक्षेसाठी काय केले पाहिजे हे पाहू....
१. तुमच्या' सोशल मेडिया अकाऊन्ट वर अनोळखी माणसाचा मेसेज शक्यतो ओपन करू नका . जर मेसेज फारच महत्वाचा असेल तर शक्य झाल्यास ज्याचा मेसेज आहे त्याला इतर मार्गाने संपर्क करून कन्फर्म करा जसे कि इमेल करून वगैरे .
२.एखाद्याला ट्विटर वर फॉलो करताना किंवा फेसबुक वर मैत्रीचा स्विकार करताना अकाऊन्ट फेक तर नाही ना याची खात्री करा.
३. फ्री ऑफर असणारी लिंक असल्यास त्यावर शक्यतो क्लिक करू नका .
४. सगळ्यात महत्वाचे म्हणजे तुमचा पासवर्ड नियमीत बदलत राहावे आणि शक्यतो अगोदर दिलेला पासवर्ड पुन्हा रिपिट करू नये. तसेच तुमचे नाव किंवा तुमच्या परिजनाचे नाव पासवर्ड मध्ये वापरू नये ज्यामुळे हॅकरला पासवर्ड चा अंदाज लावायला सोपे होईल . पासवर्ड शक्यतो जेवढा अवघड ठेवता येईल तेवढे चांगले .
५. तुमच्या सोशल मेडिया वर जर काही अनपेक्षित घडत असेल याचाच अर्थ तुमचे अकाऊन्ट हॅक झाले तेव्हा लगेच तुमचा पासवर्ड बदला .
६. सोशल मेडिया वर वावरताना प्रत्येक सोशल साईट चा पासवर्ड वेगवेगळा ठेवा जसे कि ट्विटर चा पासवर्ड वेगळा फेसबुक चा पासवर्ड वेगळा असे.
anil.bhapkar@lokmat.com